నీవెవరో అయిన నిన్నలో...
ఆకృతి లేని అసహనాన్ని నేను...
అపుడు నీవొక అజ్ఞాతానివి మాత్రమే...

ఆసల్లో హరివిల్లువై... మనస్సులో మమతవై...
పదాలకు నెలవై... నా కళానికి  సిరవై...

సాగనీ నా నూరేళ్ళ మజిలీ నీతో...
అందులోని నా ప్రతి అడుగు నీతో...

మెరుపన్నాను ... మైమరపన్నాను...
ఆనందపు పునాదుల్లో, ఆశల మేడకు నగిషీలు అద్దాను...
ఒక్కొక్క నీ మాటలో, కోటలు కట్టాను...
నీ చిరునవ్వుల ముడతల్లో, ఊహల రంగులు అద్దాను...

అంతా నువ్వయ్యావు... అనంతానివే నువ్వయ్యావు...

ఇప్పుడు నీవు నాకొక అద్వితీయానివి...
నా జీవితానికి నీవొక ఆలంబనవి...

నా దారిలో నీవు నడిచిన నాడు...
పువ్వునై  నీ దారిలో రాలిపోతా...!!!

రాలిన పువ్వు నీది అనుకున్న నాడు...
శాశ్వతంగా నీ శ్వాసలో పరిమలిస్తా...!!!